പത്തനംതിട്ട: സ്വര്ണക്കടത്ത് കേസില്‍ ആരോപണം നേരിടുന്ന മുഖ്യമന്ത്രി പിണറായി വിജയന്‍ രാജി വയ്‌ക്കണമെന്ന് കേന്ദ്ര കൃഷി വകുപ്പ്‌ സഹമന്ത്രി ശോഭ കരന്തലജെ. സ്വര്ണക്കടത്ത് കേസില്‍ ഒരു സംസ്ഥാന മുഖ്യമന്ത്രി കുടുംബസമേതം ആരോപണ വിധേയനാകുന്നത് ചരിത്രത്തില്‍ ആദ്യമാണ്. കേസില്‍ സമഗ്രമായ അന്വേഷണം നടക്കണമെങ്കില്‍ മുഖ്യന്ത്രി രാജി വച്ച് ഒഴിയണമെന്നും പത്തനംതിട്ട പ്രസ്‌ ക്ലബില്‍ നടന്ന മീറ്റ്‌ ദി പ്രസ്‌ പരിപാടിയില്‍ കേന്ദ്രമന്ത്രി അഭിപ്രായപ്പെട്ടു.
സ്വപ്‌ന സുരേഷിന്‍റെ 164 മൊഴി സൂചിപ്പിക്കുന്നത്‌ മുഖ്യമന്ത്രിയുടെ പങ്കിനൊപ്പം അദ്ദേഹത്തിന്‍റെ കുടുംബത്തിന്‍റെ ഇടപെടല്‍ കൂടിയാണ്‌. അതിനാല്‍ അന്വേഷണപരിധിയില്‍ മുഖ്യമന്ത്രിയുടെ കുടുംബത്തെ കൂടി ഉള്‍പ്പെടുത്തണം. യു.എ.ഇ കോണ്‍സുലേറ്റിനെയും നയതന്ത്ര ഇടപടുകളെയും ദുരുപയോഗം ചെയ്യാനാണ്‌ മുഖ്യമന്ത്രി ശ്രമിച്ചതെന്നും ശോഭ കരന്തലജെ ആരോപിച്ചു.