പൊലീസ് പട്രോളിങ് സംഘത്തിന്‍റെ വാഹനം അപകടത്തിൽപെട്ടു

പട്രോളിങ് സംഘത്തിലെ എസ് ഐ ഗോപാലകൃഷ്ണൻ, സിവിൽ പൊലിസ് ഓഫീസറന്മാരായ സൂരജ് ആർ കുറുപ്പ്, ഫിറോഷ്, എന്നിവർക്ക് പരിക്കേറ്റു.

പത്തനംതിട്ട: തിരുവല്ലയിൽ ഹൈവേ പൊലീസ് പട്രോളിങ് സംഘത്തിന്‍റെ കാർ റോഡരികിൽ നിർത്തിയിട്ടിരുന്ന ലോറിക്ക് പിന്നിലിടിച്ചുണ്ടായ അപകടത്തിൽ എസ് ഐ അടക്കം മൂന്ന് പൊലീസുകാർക്ക് പരിക്ക്. പെരുംതുരുത്തി ഇന്ത്യൻ ഓയിൽ പെട്രോൾ പമ്പിന് സമീപം ഇന്ന് പുലർച്ചെ രണ്ട് മണിയോടെ ആയിരുന്നു അപകടം. പട്രോളിങ് സംഘത്തിലെ എസ് ഐ ഗോപാലകൃഷ്ണൻ (54), സിവിൽ പൊലിസ് ഓഫീസറന്മാരായ സൂരജ് ആർ കുറുപ്പ് ( 32 ), ഫിറോഷ് (43) എന്നിവർക്കാണ് പരിക്കേറ്റത്.

അപകടത്തിൽ സാരമായി പരിക്കേറ്റ മൂന്ന് പൊലീസ് ഉദ്യോഗസ്ഥരെയും തിരുവല്ലയിലെ സ്വകാര്യ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. പട്രോളിങ് സംഘം സഞ്ചരിച്ചിരുന്ന ഇന്നോവ കാറിന്‍റെ മുൻ വശം പൂർണമായും തകർന്നു. തിരുവല്ല പൊലീസ് മേൽ നടപടികൾ സ്വീകരിച്ചു.