റോഡിലേക്കൊഴുകിയ എണ്ണ അഗ്നിശമന സേനയെത്തി കഴുകി നീക്കി

ഇതുവഴി സഞ്ചരിച്ച ഇരുചക്ര വാഹനങ്ങൾ നിയന്ത്രണം വിട്ട് മറിഞ്ഞ് നിരവധി യാത്രികർക്ക് പരിക്കേറ്റിരുന്നു

പത്തനംതിട്ട: തിരുവല്ലയില്‍ ടാങ്കർ ലോറിയുടെ വാൽവിൽ നിന്നും ചോർന്ന് റോഡിലേക്കൊഴുകിയ എണ്ണ അഗ്നിശമന സേനയെത്തി കഴുകി നീക്കി. തിരുവല്ല-മാവേലിക്കര സംസ്ഥാന പാതയിൽ പൊടിയാടി ജങ്‌ഷന് സമീപമാണ് തിങ്കളാഴ്ച വൈകിട്ട് എണ്ണ പരന്നൊഴുകിയത്. ഇതുവഴി സഞ്ചരിച്ച ഇരുചക്ര വാഹനങ്ങൾ നിയന്ത്രണം വിട്ട് മറിഞ്ഞ് നിരവധി യാത്രികർക്ക് പരിക്കേറ്റിരുന്നു. ഇതേ തുടർന്നാണ് അഗ്നിശമന സേനയെത്തി റോഡ് കഴുകി വൃത്തിയാക്കിയത്.