പത്തനംതിട്ട: കന്നിമാസ പൂജകൾക്കായി ശബരിമല ശ്രീധർമ്മശാസ്‌ത ക്ഷേത്രനട നാളെ (16.09.2022) വൈകുന്നേരം 5 മണിക്ക് തുറക്കും. വെള്ളിയാഴ്‌ച (16.09.2022) മുതൽ ബുധനാഴ്‌ച (21.09.2022) വരെ ക്ഷേത്രനട തുറന്നിരിക്കും.കന്നി ഒന്നായ 17ന് പുലർച്ചെ 5 മണിക്ക് ശ്രീകോവിൽ നട തുറന്ന് നിർമ്മാല്യവും പതിവ് അഭിഷേകവും നടത്തും.
5.30ന് മഹാഗണപതിഹോമം നടത്തും. തുടർന്ന് നെയ്യഭിഷേകം ആരംഭിക്കും. ഉദയാസ്‌തമയപൂജ, അഷ്‌ടാഭിഷേകം, 25 കലശാഭിഷേകം, കളഭാഭിഷേകം, പടിപൂജ, പുഷ്‌പാഭിഷേകം എന്നിവ നട തുറന്നിരിക്കുന്ന 17 മുതൽ 21 വരെ ഉണ്ടായിരിക്കും. 21-ാം തീയതി രാത്രി 10 മണിക്ക് ഹരിവരാസനം പാടി തിരുനട അടയ്ക്കും.