പത്തനംതിട്ട : ശബരിമലയില്‍ എത്തുന്ന ഭക്തർക്ക് ഏറെ പ്രിയപ്പെട്ട അർച്ചനയാണ് പുഷ്‌പാഭിഷേകം. ഉദ്ദിഷ്‌ടകാര്യ സിദ്ധിക്ക് സ്വാമി അയ്യപ്പന് ഏറ്റവും പ്രിയപ്പെട്ട അഭിഷേകമാണ് പുഷ്‌പാഭിഷേകമെന്നാണ് വിശ്വാസം. തന്ത്രിയുടെ മുഖ്യ കാർമികത്വത്തിൽ എല്ലാ ദിവസവും വൈകിട്ട് ഏഴ് മുതൽ ഒൻപത് മണി വരെയാണ് പുഷ്‌പാഭിഷേകം നടത്തുന്നത്.
ഭക്തർക്കും അയ്യനും പ്രിയമായി പുഷ്‌പാഭിഷേകം: നവംബർ 17 മുതൽ ഡിസംബർ മൂന്ന് വരെ നടന്നത് 461 പുഷ്‌പാഭിഷേകം
പുഷ്‌പാഭിഷേകം ചെയ്യുന്ന ഒരു സംഘത്തിലെ അഞ്ച് പേർക്ക് പ്രത്യേക ദർശനവും, വിശേഷ പൂജകളും നടത്തും. 12,500 രൂപയാണ് ഒരു പുഷ്‌പാഭിഷേകത്തിന്‍റെ നിരക്ക്. താമര, തെറ്റി, തുളസി, കൂവളം, അരുളി, ജമന്തി, മുല്ല, റോസ് എന്നിങ്ങനെ എട്ട് തരം പൂക്കളാണ് പുഷ്‌പാഭിഷേകത്തിന് പ്രധാനമായും ഉപയോഗിക്കുന്നത്.