പത്തനംതിട്ട: ശബരിമല സന്നിധാനത്ത് എത്തുന്ന അയ്യപ്പ ഭക്തർക്ക് വിരിവയ്ക്കാന്‍ കൂടുതല്‍ സൗകര്യങ്ങള്‍ ഒരുക്കാന്‍ തീരുമാനം. ദേവസ്വം അന്നദാന മണ്ഡപത്തിന് മുകളിലത്തെ നിലയില്‍ അയ്യായിരം പേര്‍ക്ക് വിരിവയ്ക്കുന്നതിനുള്ള സൗകര്യമാണ് നിലവില്‍ ഒരുക്കുന്നത്.
സന്നിധാനത്ത് അപ്പം അരവണ പ്രസാദം വിതരണം ചെയ്യുന്ന കൗണ്ടറുകള്‍ രാവിലെ നാല് മണിമുതല്‍ രാത്രി പതിനൊന്നര വരെ പ്രവര്‍ത്തിക്കും. വരും ദിവസങ്ങളില്‍ പ്രസാദങ്ങളുടെ ഉത്പാദനം കൂട്ടാനാണ് ദേവസ്വം ബോര്‍ഡിന്‍റെ തീരുമാനം. ദിവസവും ഒന്നരലക്ഷം ടിന്‍ അരവണയാണ് ഇപ്പോള്‍ തയ്യാറാക്കുന്നത്.