Sabarimala Pilgrimage | കാലാവസ്ഥ അനുകൂലം ; ശബരിമലയില്‍ തീര്‍ഥാടകത്തിരക്ക്

Sabarimala Mandala Makaravilakku Festival | തിങ്കളാഴ്‌ച വരെയുള്ള കണക്കനുസരിച്ച് വെര്‍ച്വല്‍ ക്യൂ വഴി മാത്രം 69,855 തീര്‍ഥാടകര്‍ ശബരിമലയിൽ ദർശനം നടത്തി

പത്തനംതിട്ട : മണ്ഡല-മകരവിളക്ക് തീര്‍ഥാടനം(mandala-makaravilak pilgrimage) ഒരാഴ്‌ച പിന്നിടുമ്പോൾ ശബരിമലയിലെത്തിയത് 73,000ത്തോളം തീര്‍ഥാടകര്‍. തിങ്കളാഴ്‌ച വരെയുള്ള കണക്കനുസരിച്ച് വെര്‍ച്വല്‍ ക്യൂ വഴി മാത്രം 69,855 തീര്‍ഥാടകർ ദർശനം നടത്തി. എന്നാൽ സ്പോട്ട് ബുക്കിംഗിലൂടെ 350 ഓളം പേർ മാത്രമാണ് ദര്‍ശനത്തിന് എത്തിയത്.

നിലവിൽ പ്രതിദിനം 35,000 പേർക്കാണ് ദര്‍ശനം അനുവദിച്ചിരിക്കുന്നത്. സ്പോട്ട് ബുക്കിംഗിലൂടെ 5000 പേര്‍ക്കും ദര്‍ശനാനുമതിയുണ്ട്. കാലാവസ്ഥ അനുകൂലമായതോടെ വരും ദിവസങ്ങളിൽ തീർഥാടകരുടെ എണ്ണത്തിൽ വർധനവുണ്ടാകുമെന്നാണ് പ്രതീക്ഷിക്കപ്പെടുന്നത്.