പത്തനംതിട്ട: കര്‍ക്കടകമാസപൂജകള്‍ക്കായി ശബരിമല ശ്രീധര്‍മശാസ്‌ത ക്ഷേത്രനട തുറന്നു. ഇന്ന് (16-07-2022) വൈകുന്നേരം അഞ്ച് മണിക്ക് ക്ഷേത്ര തന്ത്രി കണ്‌ഠരര് മഹേഷ് മോഹനരുടെ മുഖ്യകാര്‍മികത്വത്തില്‍ മേല്‍ശാന്തി എന്‍.പരമേശ്വരന്‍ നമ്പൂതിരി ക്ഷേത്രതിരുനട തുറന്ന് ദീപങ്ങള്‍ തെ‍ളിയിച്ചു. തുടർന്ന് ഗണപതി, നാഗര്‍ ഉപദേവതാക്ഷേത്രനടകളും ഭക്തര്‍ക്കായി തുറന്നു. ശേഷം പതിനെട്ടാംപടിക്ക് മുന്നിലായുള്ള ആ‍ഴിയില്‍ മേല്‍ശാന്തി അഗ്നിപകർന്നു.
കര്‍ക്കടക മാസപൂജകള്‍ക്കായി ശബരിമല നട തുറന്നു
ശബരീശ നടതുറന്നതിന് പിന്നാലെ മാളികപ്പുറം മേൽശാന്തി ശംഭു നമ്പൂതിരി മാളികപ്പുറം ക്ഷേത്ര നട തുറന്ന് ദീപം തെളിച്ചു. നട തുറന്ന ഇന്ന് പ്രത്യേക പൂജകളൊന്നുമുണ്ടായിരുന്നില്ല. രാത്രി പത്ത് മണിക്ക് ഹരിവരാസനം പാടിയാണ് നട അടച്ചത്.