പത്തനംതിട്ട : ആളില്ലാതിരുന്ന വീടിന്‍റെ ഭിത്തി തുരന്ന് ജനൽ പാളി പൂർണമായും ഇളക്കി മാറ്റി മോഷ്ടാക്കൾ കവർന്നത് 30 പവനും കാൽ ലക്ഷം രൂപയും. റാന്നി പെരുനാട് മാമ്പാറ ഗോകുലില്‍ പരമേശ്വരന്‍ പിള്ളയുടെ വീട്ടിലാണ് ബുധനാഴ്ച രാത്രി മോഷണം നടന്നത്.
പുതുതായി നിര്‍മിച്ച വീടിന്‍റെ ഒരു ജനൽ പൂർണമായും ഇളക്കി മാറ്റിയാണ് മോഷ്ടാക്കള്‍ അകത്തു കടന്നത്. രാത്രി പത്തരയോടെ വീട്ടിൽ നിന്നും ശബ്ദം കേട്ട് അയൽവാസികൾ എത്തിയപ്പോഴേക്കും മോഷ്ടക്കൾ സ്ഥലം വിട്ടിരുന്നു. കിടപ്പുമുറയിലെ തടി അലമാരയില്‍ സൂക്ഷിച്ചിരുന്ന സ്വര്‍ണവും ആഭരണങ്ങളുമാണ് മോഷണം പോയത്.