റോഡ് സുരക്ഷാ വാരാചരണം; സൗജന്യ നേത്ര-രക്തപരിശോധന ക്യാമ്പുകള്‍ സംഘടിപ്പിച്ചു - pathanamthitta
പത്തനംതിട്ട നഗരസഭ ബസ് സ്റ്റാന്‍ഡിലാണ് സൗജന്യ നേത്ര-രക്തപരിശോധന ക്യാമ്പുകള്‍ നടത്തിയത്
റോഡ് സുരക്ഷാ വാരാചരണം; സൗജന്യ നേത്ര-രക്തപരിശോധന ക്യാമ്പുകള്‍ സംഘടിപ്പിച്ചു
പത്തനംതിട്ട: മുപ്പത്തൊന്നാമത് ദേശീയ റോഡ് സുരക്ഷാ വാരാചരണത്തിന്‍റെ ഭാഗമായി സൗജന്യ നേത്ര-രക്ത പരിശോധന ക്യാമ്പുകള്‍ സംഘടിപ്പിച്ചു. മോട്ടോര്‍ വാഹന വകുപ്പിന്‍റെയും റോഡ് സുരക്ഷാ അതോറിറ്റിയുടെയും ആഭിമുഖ്യത്തില്‍ കോഴഞ്ചേരി മുത്തൂറ്റ് ഐ കെയര്‍ ആശുപത്രിയുടെയും തിരുവല്ല ഐ മൈക്രോ സര്‍ജറിയുമായി സഹകരണത്തോടെയാണ് ക്യാമ്പ് സംഘടിപ്പിച്ചത്. പത്തനംതിട്ട നഗരസഭ ബസ് സ്റ്റാന്‍ഡിലാണ് സൗജന്യ നേത്ര-രക്തപരിശോധന ക്യാമ്പുകള്‍ നടത്തിയത്. ക്യാമ്പില്‍ 200 പേരുടെ നേത്ര പരിശോധനയും 205 പേരുടെ രക്തപരിശോധനയും നടത്തി. ഓട്ടോ ഡ്രൈവര്‍മാര്‍, ടാക്‌സി ഡ്രൈവര്‍മാര്‍, ബസ് ഡ്രൈവര്‍മാര്‍, ടിപ്പര്‍ ഡ്രൈവര്‍മാര്‍, മറ്റ് സ്വകാര്യ വാഹനങ്ങളുടെ ഡ്രൈവര്‍മാര്‍ തുടങ്ങിയവര്‍ ക്യാമ്പിന്‍റെ സേവനം പ്രയോജനപ്പെടുത്തി.