പത്തനംതിട്ട: കാര്‍ വാടകയ്‌ക്കെടുത്ത്‌ മറിച്ചു വിറ്റയാൾ റാന്നി പൊലീസിന്‍റെ പിടിയിൽ. പ്രതിയായ, കോട്ടയം നെടുങ്ങാടപ്പള്ളി ബഥനി ഹൗസില്‍ ഗോഡ്‌ലി ദേവാണ് (46) അറസ്റ്റിലായത്. വടശേരിക്കര സ്വദേശി അജിലാല്‍ ഒരുമാസം മുൻപ് റാന്നി പൊലീസില്‍ നല്‍കിയ പരാതിയിലാണ് നടപടി.
കാര്‍ വാടകയ്ക്ക് കൊടുത്ത ശേഷം ലഭിച്ച 1.50 ലക്ഷം രൂപയും ഇയാള്‍ തട്ടിയെടുത്തതായും പരാതിയിലുണ്ട്. എറണാകുളം കേന്ദ്രീകരിച്ചുള്ള വാഹനതട്ടിപ്പ് സംഘത്തിലെ കണ്ണിയാണ് ഇയാളെന്ന് സംശയിക്കുന്നതായി പൊലീസ് പറഞ്ഞു.
ഇത്തരത്തില്‍ തട്ടിയെടുത്ത മറ്റൊരു കാറുമായി പ്രതി, എറണാകുളം സൗത്ത് റെയില്‍വേ സ്റ്റേഷന്‍ കാര്‍ പാര്‍ക്കിങ് ഗ്രൗണ്ടില്‍ നിന്നാണ് പിടിയിലാകുന്നത്. ഈ കാറും ഉടമയിൽ നിന്നും തട്ടിയെടുത്തതെന്നാണ് വിവരം. വേറെ കാറുകളും ഇത്തരത്തിൽ തട്ടിപ്പ് നടത്താന്‍ ഉപയോഗിച്ചിരുന്നതായി പൊലീസ് സംശയിക്കുന്നു.
'പ്രതിയ്‌ക്കെതിരെ വേറെയും 10 പരാതികള്‍'