പത്തനംതിട്ട: വീട്ടമ്മയെ ആക്രമിച്ച കാട്ടുപന്നിയെ കോന്നി ഡിഎഫ്‌ഒയുടെ നിർദേശപ്രകാരം വെടിവച്ചു കൊന്നു. തോക്കു ലൈസെന്‍സി അട്ടച്ചാക്കല്‍ സ്വദേശി സന്തോഷ് മാമനാണ് വെടിവച്ചു കൊന്നത്. അരുവാപ്പുലം കാമ്പിൽ മേലേതില്‍ നിര്‍മല കുമാരിയെയാണ് കാട്ടുപന്നി ആക്രമിച്ചത്.
കഴിഞ്ഞ വ്യാഴാഴ്‌ചയാണ് തൊഴിലുറപ്പ് പണികള്‍ കഴിഞ്ഞു വീട്ടിലേക്കു മടങ്ങുന്നതിനിടെ അരുവാപ്പുലം കാമ്പില്‍ ഭാഗത്ത് വച്ച് ഇവരെ കാട്ടുപന്നി ആക്രമിച്ചത്. ഗുരുതരമായി പരിക്കേറ്റ നിര്‍മലാകുമാരി ആശുപത്രിയില്‍ ചികിത്സയിലാണ്. പത്തിലധികം കാട്ടുപന്നികള്‍ അരുവാപ്പുലം പ്രദേശത്തിനടുത്തുള്ള കാട്ടിലുണ്ടെന്നാണ് വിവരം.