പത്തനംതിട്ട: സാധാരണ മെയ് പകുതി മുതൽ സ്കൂൾ വിപണിയില്‍ കച്ചവടം പൊടിപൊടിക്കാറുണ്ട്. നോട്ട് ബുക്കുകളും, പേനകളും, പെന്‍സില്‍ ബോക്സും, ബാഗുകളും, കുടകളും കൊണ്ട് വര്‍ണശബളമായിരിക്കുന്ന വ്യാപാരസ്ഥാപനങ്ങളിലേക്ക് പുത്തന്‍ പഠനോപകരണങ്ങള്‍ സ്വന്തമാക്കാനുള്ള വിദ്യാര്‍ഥികളുടെയും രക്ഷിതാക്കളുടെയും ഒഴുക്കായിരിക്കും. എന്നാല്‍ ആദ്യമായി സ്കൂള്‍ വിപണി നിശ്ചലമായിരിക്കുന്നു. ലോക്ക് ഡൗണ്‍ പ്രഖ്യാപിക്കുന്നതിന് മുമ്പേ വിദ്യാര്‍ഥികള്‍ക്ക് ആവശ്യമായ പഠനസാമഗ്രികളെല്ലാം വ്യാപാരികള്‍ കടകളില്‍ സ്റ്റോക്ക് ചെയ്തിരുന്നു. എന്നാല്‍ കൊവിഡ് മഹാമാരി വന്നതോടെ കാര്യങ്ങളാകെ തകിടം മറിഞ്ഞു.
സ്കൂള്‍ വിപണി നിശ്ചലം