പത്തനംതിട്ട:പാര്‍ട്ടി പ്രവര്‍ത്തകയെ പീഡിപ്പിച്ച്‌ നഗ്നദൃശ്യങ്ങള്‍ പകര്‍ത്തി ഭീഷണിപ്പെടുത്തിയ കേസില്‍ ഒരാളെ പൊലീസ് അറസ്റ്റ് ചെയ്‌തു. തിരുവല്ല ചുമത്ര എലിമണ്ണിലില്‍ വീട്ടില്‍ സജിയാണ് കുറ്റപ്പുഴയില്‍ നിന്നും പിടിയിലായത്. സി.പി.എം ബ്രാഞ്ച് സെക്രട്ടറിയും ഡി.വൈ.എഫ്‌.ഐ നേതാക്കളും ഉള്‍പ്പെട്ട കേസിലെ 11-ാം പ്രതിയാണിയാള്‍.
വീട്ടമ്മയുടെ നഗ്ന ദൃശ്യങ്ങള്‍ പ്രചരിപ്പിച്ചുവെന്നതാണ് ഇയാള്‍ക്കെതിരായ കേസ്. പരാതിക്കാരിയുടെ രഹസ്യമൊഴി കഴിഞ്ഞ ദിവസം രേഖപ്പെടുത്തിയിരുന്നു. ഇക്കഴിഞ്ഞ ശനിയാഴ്ചയാണ് സംഭവത്തില്‍ കേസെടുത്തത്. ബുധനാഴ്ച തിരുവല്ല ഫസ്റ്റ് ക്ലാസ് ജുഡീഷ്യല്‍ മജിസ്ട്രേറ്റ് കോടതി വീട്ടമ്മയുടെ രഹസ്യമൊഴി രേഖപ്പെടുത്തി.