പത്തനംതിട്ട:കോട്ടയം പാലാ ഭരണങ്ങാനം സ്വദേശി അമല്‍ അഗസ്റ്റിനെയാണ് ഇലവുംതിട്ട പൊലീസ് പിടികൂടിയത്.
പത്തനംതിട്ട നെടിയകാല താന്നിമൂട്ടില്‍ സരസമ്മ (87)യുടെ ഒന്നര പവന്‍റെ മാലയാണ് കഴിഞ്ഞ 23 ന് വൈകിട്ട് ഇയാള്‍ മോഷ്‌ടിച്ചത്(Murder Attempt And Theft Accused Arrested). ഓണ്‍ലെെൻ റമ്മി കളിച്ചതിലൂടെ ഇയാള്‍ക്ക് മൂന്ന് ലക്ഷം രൂപ നഷ്ടമായിരുന്നു. ആ പണം വീണ്ടെടുക്കാനാണ് കവര്‍ച്ച നടത്തിയത്. സ്ത്രീകള്‍ ഒറ്റയ്ക്ക് കഴിയുന്ന വീടുകളും കടകളും ഇയാള്‍ ലക്ഷ്യം വച്ചിരുന്നുവെന്നും പൊലീസ് പറഞ്ഞു.
ഹീറോ പ്ലഷര്‍ സ്‌കൂട്ടറില്‍ ചുറ്റിക്കറങ്ങിയാണ് മോഷണത്തിന് ശ്രമിച്ചത്. പത്തനംതിട്ടയിൽ പിതാവുമൊത്ത് താമസിക്കുന്ന വാടകവീട്ടില്‍ നിന്ന് 35,000 രൂപ ഇയാള്‍ മോഷ്ടിച്ചിരുന്നു. ഓടു പൊളിച്ചാണ് മോഷണം നടത്തിയത്. ഇത് മറ്റാരോ മോഷ്ടിച്ചതാണെന്ന് വരുത്തി തീര്‍ക്കുകയും ചെയ്തു. ആ പണവും റമ്മി കളിച്ച്‌ നഷ്ടമായിരുന്നു. തുടര്‍ന്നാണ് പണം കണ്ടെത്താൻ പുറത്തിറങ്ങി മോഷണത്തിനു പദ്ധതിയോട്ടത്.
ഇതിനായി നിരീക്ഷണം നടത്തി വരുമ്പോഴാണ് മുടവനാല്‍ ധാന്യപ്പൊടി മില്ലിന് അടുത്തുള്ള വീട്ടിലെ വയോധിക തനിച്ചാണെന്ന് മനസിലാക്കിയത്. ഇവരുടെ കഴുത്തില്‍ സ്വര്‍ണമാലയും കണ്ടു. തുടര്‍ന്ന് വീട്ടില്‍ അതിക്രമിച്ചു കയറിയ ഇയാള്‍ കഴുത്തില്‍ കത്തി വച്ച ശേഷം മാല പൊട്ടിച്ചെടുക്കുകയായിരുന്നു. പിടിവലിക്കിടയില്‍ വയോധിക മറിഞ്ഞ് വീണ് പരുക്കേല്‍ക്കുകയും ചെയ്തു.