വയനാട്ടിലേത് വ്യാജ ഏറ്റുമുട്ടൽ: മുല്ലപ്പള്ളി രാമചന്ദ്രൻ

വ്യാജ ഏറ്റുമുട്ടൽ അല്ല രാഷ്ട്രീയ പരിഹാരമാണ് മാവോയിസ്റ്റ് പ്രശനം തീർപ്പാക്കാനുള്ള പ്രതിവിധിയെന്നും മുല്ലപ്പള്ളി രാമചന്ദ്രൻ കൂട്ടിച്ചേർത്തു.

പത്തനംതിട്ട:വയനാട്ടിലേത് വ്യാജ ഏറ്റുമുട്ടലാണെന് കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ. സംഭവത്തിൽ മുഖ്യമന്ത്രിയും ഡിജിപിയും മറുപടി പറയണം.വൈത്തിരിയിൽ ഭക്ഷണം ചോദിച്ച നിരപരാധിയായ ആളെയാണ് വെടിവച്ചു കൊന്നത്. ഒൻപത് വ്യാജ ഏറ്റുമുട്ടലുകളാണ് ഈ സർക്കാരിൻ്റെ കാലത്ത് ഉണ്ടായതെന്നും മുല്ലപ്പള്ളി പറഞ്ഞു. സർക്കാരിനെതിരായ ആരോപണങ്ങളിൽ നിന്ന് ശ്രദ്ധ തിരിക്കാനാണ് വ്യാജ ഏറ്റുമുട്ടൽ. വ്യാജ ഏറ്റുമുട്ടൽ അല്ല രാഷ്ട്രീയ പരിഹാരമാണ് മാവോയിസ്റ്റ് പ്രശനം തീർപ്പാക്കാനുള്ള പ്രതിവിധിയെന്നും മുല്ലപ്പള്ളി രാമചന്ദ്രൻ കൂട്ടിച്ചേർത്തു.

മാധ്യമ സ്വാതന്ത്ര്യത്തെ ഹനിക്കുന്ന ഇടപെടൽ സർക്കാരിൽ നിന്ന് തുടരെയുണ്ടാകുന്നു.സർക്കാരിന് പലതും ഒളിക്കാനുണ്ട്.കേന്ദ്ര ഏജൻസികളെ മുഖ്യമന്ത്രി എന്തിന് ഭയപ്പെടുന്നുവെന്നും മുല്ലപ്പള്ളി ചോദിച്ചു. കേന്ദ്ര ഏജൻസികളെ ക്ഷണിച്ചത് മുഖ്യമന്ത്രിയാണ്.കോടിയേരിക്ക് സംസ്ഥാനത്ത് തുടരാനുള്ള ധാർമീകതയില്ലെന്നും മുല്ലപ്പള്ളി പറഞ്ഞു.