പത്തനംതിട്ട: ജില്ലയിൽ കെഎസ്ആർടിസി കോംപ്ലക്‌സിന്‍റെ നിർമാണം വൈകുന്നതിൽ പ്രതിഷേധവുമായി കോൺഗ്രസ്. ഡിപ്പോ നിർമാണത്തിന് അനുവദിച്ച പണം കെഎസ്ആർടിസി വക മാറ്റി ചിലവഴിച്ചെന്നാണ് ആരോപണം. രണ്ട് വർഷം മുൻപ് ഡിപ്പോയുടെ നിർമാണത്തിന് പണം കണ്ടെത്താൻ കടമുറികൾ ലേലം ചെയ്ത് അഞ്ച് കോടിയോളം രൂപ സമാഹരിച്ചിരുന്നു. ആറ് മാസത്തിനകം നിർമാണം പൂർത്തിയാക്കി മുറികൾ കൈമാറാമെന്ന വ്യവസ്ഥയിലാണ് വ്യാപാരികളിൽ നിന്നും അധികൃതർ പണം വാങ്ങിയത്. എന്നാൽ നിർമാണം പൂർത്തിയാക്കി പ്രവർത്തനം തുടങ്ങാത്തതിനാല്‍ വ്യാപാരികൾ പ്രതിസന്ധിയിലാണ്.
കെഎസ്ആർടിസി കോംപ്ലക്‌സിന്‍റെ നിർമാണം വൈകുന്നു; പ്രതിഷേധത്തിനൊരുങ്ങി കോണ്‍ഗ്രസ്