പത്തനംതിട്ട: കക്കി-ആനത്തോട് ഡാം ഇന്ന് രാവിലെ 11ന് തുറക്കും. ജില്ലയില്‍ അതിശക്തമായ മഴ തുടരുന്ന സാഹചര്യത്തിലാണ് തീരുമാനം. കക്കി ഡാമിലെ നാല് ഷട്ടറുകളില്‍ റണ്ട് ഷട്ടറുകളാണ് തുറക്കുന്നത്. 100 മുതല്‍ 200 ക്യുമെക്‌സ് ജലമാണ് പുറത്ത് വിടുന്നത്.
പത്തനംതിട്ട ജില്ലയിലെ വനപ്രദേശങ്ങളില്‍ ശക്തമായ മഴ തുടരുകയാണ്. ഇതുമൂലം പമ്പ നദിയിലേയും കക്കി റിസര്‍വോയറിലേയും ജലനിരപ്പ് ഉയരാന്‍ സാധ്യതയുണ്ട്. പമ്പ നദിയുടെയും കക്കാട്ടാറിന്‍റെ ഇരുകരകളില്‍ താമസിക്കുന്നവരും ജനങ്ങളും ജാഗ്രത പുലര്‍ത്തണമെന്ന് ജില്ല കലക്‌ടറും ജില്ല ദുരന്തനിവാരണ അതോറിറ്റി ചെയര്‍പേഴ്‌സണുമായ ഡോ. ദിവ്യ എസ് അയ്യര്‍ അറിയിച്ചു.