ജ്ഞാനപ്പാനാമൃതത്തില്‍ ലയിച്ച് സന്നിധാനം

സംഗീത നാടക അക്കാദമി പുരസ്‌കാരം ഉള്‍പ്പെടെ വിവിധ അംഗീകാരങ്ങൾ നേടിയിട്ടുള്ള രേണുക ഗിരിജനാണ് പരിപാടി അവതരിപ്പിച്ചത്

ശബരിമല: പിന്നണി ഗായിക രേണുകാ ഗിരിജന്‍ സന്നിധാനത്ത് അവതരിപ്പിച്ച ജ്ഞാനപ്പാനാമൃതം ഭക്തർക്ക് നവ്യാനുഭവമേകി. വലിയ നടപ്പന്തലിലെ വേദിയിലായിരുന്നു പരിപാടി. ജ്ഞാനപ്പാന കൂടുതൽ ജനങ്ങളിലേക്ക് എത്തിക്കുക എന്നതാണ് പരിപാടിയിലൂടെ ലക്ഷ്യമിടുന്നതെന്ന് രേണുക പറഞ്ഞു.

സിനിമ - സംഗീത - നാടക രംഗത്ത് പ്രവര്‍ത്തിക്കുന്ന ഇവര്‍ 2014 ലും സന്നിധാനത്ത് സംഗീത പരിപാടി അവതരിപ്പിച്ചിട്ടുണ്ട്. സംഗീത നാടക അക്കാദമി പുരസ്‌കാരം ഉള്‍പ്പെടെ വിവിധ അംഗീകാരങ്ങൾ നേടിയിട്ടുള്ള രേണുക ഇതിനോടകം നിരവധി ക്ഷേത്രങ്ങളിൽ ജ്ഞാനപ്പാന അവതരിപ്പിച്ചിട്ടുണ്ട്.