പത്തനംതിട്ട: മാര്‍ത്തോമാ സഭാ മുന്‍ അധ്യക്ഷന്‍ ഡോ.ഫിലിപ്പോസ് മാര്‍ ക്രിസോസ്റ്റം വലിയ മെത്രാപ്പൊലീത്തയ്ക്ക് അന്ത്യോപചാരം അര്‍പ്പിച്ച് ഗവര്‍ണര്‍ ആരിഫ് മുഹമ്മദ് ഖാന്‍. ഭൗതിക ശരീരം പൊതുദര്‍ശനത്തിനുവച്ച തിരുവല്ല അലക്സാണ്ടര്‍ മാര്‍ത്തോമാ സ്മാരക ഹാളില്‍ എത്തിയാണ് ഗവര്‍ണര്‍ ആദരാഞ്ജലികള്‍ അര്‍പ്പിച്ചത്.
നഷ്ടമായത് ഏവരും ബഹുമാനിച്ച മഹാനായ ജ്ഞാനിയെയാണെന്ന് അനുശോചനത്തില്‍ ഗവര്‍ണര്‍ പറഞ്ഞു. ആരെയും സ്പര്‍ശിക്കുന്ന ദൈവിക വ്യക്തിത്വമായിരുന്നു ക്രിസോസ്റ്റം വലിയ മെത്രാപ്പൊലീത്ത. ഏവരെയും യഥാര്‍ഥമായി സ്‌നേഹിക്കുകയും സമൂഹത്തിന്‍റെ താഴെത്തട്ടില്‍ ജീവിക്കുന്നവരോട് പ്രത്യേക താത്പര്യം കാണിക്കുകയും ചെയ്ത മനുഷ്യനായിരുന്നു അദ്ദേഹം.
മാര്‍ ക്രിസോസ്റ്റം വലിയ മെത്രാപ്പൊലീത്തയ്ക്ക് അന്തിമോപചാരം അര്‍പ്പിച്ച് ഗവര്‍ണര്‍