ശബരിമല: അയ്യനെ കാണാൻ യൂറോപ്പിൽ നിന്നുള്ള സംഘം ശബരിമലയിലെത്തി. ചെക്ക് റിപ്പബ്ലിക്കില്‍ നിന്നുള്ള തോമസ് പീഫറിന്‍റെ നേതൃത്വത്തിലുള്ള 36 പേരടങ്ങുന്ന സംഘമാണ് ശബരിമല ദര്‍ശനത്തിനെത്തിയത്. ഇന്ത്യയിലെ വിവിധ ക്ഷേത്രങ്ങള്‍ സന്ദര്‍ശിക്കുന്നതിന്‍റെ ഭാഗമായാണ് സംഘം ശബരിമലയിലെത്തിയത്.
ഇത്തവണ തോമസ് പീഫറും സംഘവും അയ്യനെ കണ്ടു; സായൂജ്യമടങ്ങി ചെക്ക് റിപ്പബ്ലിക്ക് സംഘം
ആകെ 54 അംഗങ്ങൾ സംഘത്തിലുണ്ടായിരുന്നെങ്കിലും 36 പേര്‍ മാത്രമായിരുന്നു കുഭകോണത്ത് നിന്നും ഇരുമുടികെട്ട് നിറച്ച് ശബരിമലയിലെത്തിയത്. ശബരിമലയിലെ ആചാരാനുഷ്‌ഠാനങ്ങളെ മാനിച്ച് ഒപ്പമുണ്ടായിരുന്ന യുവതികളെ മാറ്റിനിര്‍ത്തി, അമ്പത് കഴിഞ്ഞ സ്ത്രീകൾ മാത്രമാണ് പുരുഷന്മാര്‍ക്കൊപ്പം മല കയറിയത്.