പത്തനംതിട്ട : വടശേരിക്കരയിൽ കിണറിലെ പാറ പൊട്ടിച്ചുനീക്കാൻ സ്ഥാപിച്ച സ്ഫോടകവസ്‌തു പൊട്ടിത്തെറിച്ച് സ്ഥാപിച്ച തൊഴിലാളി മരിച്ചു. റാന്നി പെരുനാട് മാടമണ്‍ സ്വദേശി പാലാഴി വീട്ടില്‍ കൃഷ്‌ണ കുമാര്‍(44) ആണ് മരിച്ചത്. ഞായറാഴ്‌ച വൈകിട്ട് മൂന്ന് മണിയോടെയായിരുന്നു അപകടം.
കക്കുടുമണ്‍ കാഞ്ഞിരക്കാട്ട് ഭാഗത്തെ കിണറിൽ നിന്നും പാറ പൊട്ടിച്ചുനീക്കുന്നതിനിടെയാണ് അപകടം സംഭവിച്ചത്. കിണറ്റിനുള്ളിലെ പാറ പൊട്ടിക്കാനായി കുഴിച്ച ശേഷം കൃഷ്‌ണ കുമാർ ഇതിൽ സ്ഫോടക വസ്‌തു നിറച്ചു. ഇതിന് ശേഷം കിണറിൽ നിന്നും കരയിലേയ്ക്ക് കയറുന്നതിനിടെ സ്‌ഫോടനമുണ്ടായാണ് അപകടമെന്ന് പൊലീസ് പറയുന്നു.