ജാമിയ മിലിയ സംഘർഷത്തിൽ ഡി.വൈ.എഫ്.ഐ പ്രതിഷേധം

ജാമിയ മിലിയ സർവകലാശാലയിൽ വിദ്യാർഥികളെ മർദിച്ച സംഭവത്തിൽ പ്രതിഷേധിച്ച് ഡി.വൈ.എഫ്.ഐ പത്തനംതിട്ട ജില്ലാ കമ്മിറ്റി മാർച്ച് നടത്തി.

പത്തനംതിട്ട: പൗരത്വ ഭേദഗതി ബില്ലിനെതിരെ ഡൽഹിയിൽ പ്രതിഷേധിച്ച വിദ്യാർഥികളെ ജാമിയ മിലിയ സർവകലാശാലയിൽ കയറി മർദിക്കുകയും വെടിവെപ്പ് നടത്തുകയും ചെയ്‌ത പൊലീസ് നടപടിയിൽ പ്രതിഷേധിച്ച് ഡി.വൈ.എഫ്.ഐ പത്തനംതിട്ട ജില്ലാ കമ്മിറ്റിയുടെ നേതൃത്വത്തിൽ തിരുവല്ല റെയിൽവേ സ്‌റ്റേഷനിലേക്ക് മാർച്ച് നടത്തി. ജില്ലാ സെക്രട്ടറി പി.ബി സതീഷ് കുമാർ മാർച്ച് ഉദ്ഘാടനം ചെയ്‌തു. വൈസ് പ്രസിഡന്‍റ് സഗേഷ്.ജി.നായർ അധ്യക്ഷത വഹിച്ചു.