മന്ത്രി കടകംപള്ളി സുരേന്ദ്രനെ ബിജെപി കരിങ്കൊടി കാണിച്ചു

ശബരിമല തീര്‍ഥാടകര്‍ക്കായി പ്രാഥമിക സൗകര്യങ്ങള്‍ പോലും ഒരുക്കിയില്ലെന്ന് ആരോപണം

പത്തനംതിട്ട:ശബരിമല തീര്‍ഥാടനത്തിന് മുന്നോടിയായി നടത്തേണ്ട ഒരുക്കങ്ങള്‍ വിലയിരുത്തുന്നതിന്‍റെ ഭാഗമായുള്ള ശബരിമല അവലോകന യോഗത്തിനിടെ ബിജെപി പ്രതിഷേധം. ഒരുക്കങ്ങള്‍ സര്‍ക്കാര്‍ കൃത്യമായി നടപ്പിലാക്കുന്നില്ലെന്ന് ആരോപിച്ചാണ് ബിജെപി പ്രവര്‍ത്തകര്‍ എരുമേലിയിൽ പ്രതിഷേധിച്ചത്. യോഗത്തില്‍ പങ്കെടുക്കാനെത്തിയ ദേവസ്വം മന്ത്രി കടകംപള്ളി സുരേന്ദ്രന് നേരെ പ്രതിഷേധക്കാര്‍ കരിങ്കൊടി വീശി.

തുടർന്ന് പ്രതിഷേധക്കാരെ പൊലീസ് അറസ്റ്റുചെയ്ത് നീക്കുകയായിരുന്നു. പിന്നീട് ബി.ജെ.പി ജില്ലാ പ്രസിഡന്‍റ് എൻ. ഹരിയുടെ നേതൃത്വത്തിൽ നടത്തിയ പ്രകടനത്തെ പൊലീസ് തടഞ്ഞതോടെ ഇവർ റോഡിൽ കുത്തിയിരുന്ന് പ്രതിഷേധിച്ചു. മാസങ്ങൾ എടുത്ത് നടത്തേണ്ട പ്രവർത്തനങ്ങൾ ഓട്ടപ്രദക്ഷിണമായി പൂർത്തിയാക്കാനാണ് സർക്കാർ ശ്രമിക്കുന്നതെന്ന് എൻ. ഹരി പറഞ്ഞു. അടിസ്ഥാനം സൗകര്യങ്ങൾപ്പോലും ഒരുക്കിയിട്ടില്ലാത്ത സാഹചര്യത്തിൽ പ്രതിഷേധം തുടരുമെന്ന് ബിജെപി വ്യക്‌തമാക്കി.