പത്തനംതിട്ട: മധ്യവയസ്‌കനെ മര്‍ദിച്ച കേസില്‍ ദമ്പതികള്‍ അറസ്റ്റില്‍. റാന്നി തോമ്പിക്കണ്ടം തടത്തിൽ വീട്ടിൽ ബാബു ടിഎ, ഇയാളുടെ ഭാര്യ ലിംസി എന്നിവരെയാണ് റാന്നി പൊലീസ് ഞായാറാഴ്‌ച (ഒക്‌ടോബര്‍ 16) പിടികൂടിയത്. തൊമ്പിക്കണ്ടം ജോസ് എന്ന കൊച്ചുകുഞ്ഞിനെയാണ് (59) മര്‍ദിച്ചത്.
സെപ്റ്റംബർ 23ന് പുലര്‍ച്ചെ 5.45 നാണ് സംഭവം. വീടിന്‍റെ തെക്കുവശത്തെ വാതിലിലേക്ക് അഴുക്കുവെള്ളം ഒഴിച്ചത് കൊച്ചുകുഞ്ഞ് ചോദ്യം ചെയ്‌തു. ഇതിന്‍റെ പേരിൽ ഇയാളെ ബാബു അടിച്ച് വലത് കണ്ണിന്‍റെ ഭാഗത്ത് മുറിവേല്‍പ്പിച്ചു. രണ്ടാമത്തെ അടി കൈകൊണ്ട് കൊച്ചുകുഞ്ഞ് തടഞ്ഞെങ്കിലും താഴെ വീണ് വലതുകാൽ മുട്ടിന് പരിക്കേറ്റു. വയോധികനെ ലിംസി കല്ലുപെറുക്കി എറിയുകയാണ് ചെയ്‌തത്. ഇവര്‍ രണ്ടാം പ്രതിയാണ്. ഇരുകൂട്ടരും തമ്മിൽ നേരത്തേ വസ്‌തു സംബന്ധമായ തർക്കമുണ്ടായിരുന്നു.