തിരുവനന്തപുരം: പൂവാർ സ്വദേശിനി രാഖിയുടെ കൊലപാതകവുമായി ബന്ധപ്പെട്ട് അന്വേഷണം ഊർജിതമാക്കുമെന്ന് പൊലീസ്. യുവതിയെ കൊലപ്പെടുത്തി കുഴിച്ചിട്ട സംഭവത്തിലെ മുഖ്യപ്രതിയായ സൈനികന്‍ അഖിലിനെ ഉടന്‍ അറസ്റ്റ് ചെയ്യുമെന്നും പൊലീസ് വ്യക്തമാക്കി. കൂട്ടു പ്രതിയായ അഖിലിന്‍റെ സഹോദരൻ രാഹുൽ ഇപ്പോഴും ഒളിവിലാണ്. അന്വേഷണസംഘം പ്രതികളായ രാഹുലിന്‍റെയും അഖിലന്‍റെയും മുൻകാല പശ്ചാത്തലം ഉൾപ്പെടെ അന്വേഷിച്ച് വരുകയാണ്. കൊലപാതകത്തിൽ പങ്കാളിയായിരുന്ന അയൽവാസിയും സുഹൃത്തുമായ ആദർശിനെ കഴിഞ്ഞ ദിവസം നെയ്യാറ്റിൻകര കോടതിയിൽ ഹാജരാക്കിയിരുന്നു. അയാൾ ഇപ്പോൾ റിമാൻഡിലാണ്. കൊലപാതകത്തിന് ഉപയോഗിച്ചിരുന്ന കാറിനെ കുറിച്ചുള്ള അന്വേഷണവും ഊർജിതമാക്കി വരുന്നു.
അമ്പൂരി കൊലപാതകം; അന്വേഷണം ഊർജിതമാക്കി പൊലീസ്
കൂട്ടു പ്രതിയായ അഖിലിന്‍റെ സഹോദരൻ രാഹുൽ ഇപ്പോഴും ഒളിവിലാണ്.
അമ്പൂരി കൊലപാതകം; അന്വേഷണം ഊർജിതമാക്കി പൊലീസ്
സംഭവത്തിന് ശേഷം നാട്ടില്‍ നിന്ന് ഡല്‍ഹിയിലെ സൈനിക ക്യാമ്പിലേക്ക് പോയ അഖില്‍ ഇതുവരെ ജോലിയില്‍ പ്രവേശിച്ചിട്ടില്ലെന്ന് സൈനിക കേന്ദ്രങ്ങളില്‍ നിന്ന് പൊലീസിന് വിവരം ലഭിച്ചു. അഖിലിനെ കണ്ടെത്താന്‍ അന്വേഷണ സംഘം ഡല്‍ഹിയിലേക്ക് പോയി. അതേസമയം അഖില്‍ ഉടന്‍ കീഴടങ്ങുമെന്ന് പിതാവ് രാജപ്പന്‍നായര്‍ പറഞ്ഞു. 21ന് നെയ്യാറ്റിൻകരയിൽ നിന്ന് കാറിൽ എത്തിച്ച രാഖിയെ അഖിൽ കഴുത്തുഞെരിച്ച് കൊല്ലുകയായിരുന്നു എന്നാണ് ആദര്‍ശ് പൊലീസിന് നൽകിയ മൊഴി. ഇരു പ്രതികളെയും പിടികൂടിയാൽ മാത്രമേ സംഭവത്തിന്‍റെ പൂർണ്ണ വിവരം ലഭ്യമാകുവെന്ന് അന്വേഷണ ഉദ്യോഗസ്ഥർ പറഞ്ഞു.
Last Updated : Jul 26, 2019, 8:34 PM IST