പത്തനംതിട്ട : തിരുവല്ലയില്‍ ആംബുലന്‍സ് ഇരുമ്പ് പോസ്റ്റിലിടിച്ചുണ്ടായ അപകടത്തിൽ ഗർഭിണിയുൾപ്പെടെ നാല് പേർക്ക് ഗുരുതര പരിക്ക്. എട്ടുമാസം ഗര്‍ഭിണിയായ സീതത്തോട് ചരിവുകാലായില്‍ വീട്ടില്‍ റസീന സെയ്‌ദു(27)മായി തിരുവല്ല സ്വകാര്യ ആശുപത്രിയിലേക്ക് പോകവെയാണ് അപകടം.
യുവതിയെ അടിയന്തര ശസ്ത്രക്രിയയ്ക്ക് വിധേയയാക്കി കുഞ്ഞിനെ പുറത്തെടുത്തു. നിലവില്‍, ഇവര്‍ ഐ.സി.യുവിലാണ്. റസീനയുടെ പിതൃസഹോദരി പത്തനംതിട്ട പള്ളിപ്പടിഞ്ഞാറേതില്‍ നബീസ മുസ്തഫ( 52 ), നബീസയുടെ മകള്‍ സാലിക(23), റസീനയുടെ ഭര്‍തൃമാതാവ് പാറയ്‌ക്കല്‍ സാഹിദ (52) എന്നിവര്‍ക്കാണ് പരിക്കേറ്റത്.