പരാതി അന്വേഷിയ്ക്കാനെത്തിയ പൊലീസിന് നേരെ ആക്രമണം; പ്രതി അറസ്റ്റില്‍

ഭാര്യയെയും മകളെയും ഉപദ്രവിക്കുന്നതായി പൊലീസ് കണ്‍ട്രോള്‍ റൂമില്‍ നിന്നും സന്ദേശം ലഭിച്ചതനുസരിച്ച്‌ സ്ഥലത്തെത്തിയ എസ്ഐ രാജീവിനെയും സംഘത്തെയുമാണ് പ്രതി ആക്രമിച്ചത്.

പത്തനംതിട്ട:ഭാര്യയേയും മകളെയും ഉപദ്രവിയ്ക്കുന്നുവെന്ന പരാതി അന്വേഷിയ്ക്കാനെത്തിയ പൊലീസിനെ ആക്രമിച്ച കേസിലെ പ്രതി അറസ്റ്റിൽ. ആറന്മുള പാപ്പാട്ടുതറ വീട്ടില്‍ ജിജിക്കുട്ടന്‍(ഉല്ലാസ്-39) ആണ് അറസ്റ്റിലായത്. ഭാര്യയേയും മകളെയും ഉപദ്രവിക്കുന്നതായി പൊലീസ് കണ്‍ട്രോള്‍ റൂമില്‍ നിന്നും സന്ദേശം ലഭിച്ചതനുസരിച്ച്‌ സ്ഥലത്തെത്തിയ എസ്ഐ രാജീവിനെയും സംഘത്തെയുമാണ് ഇയാള്‍ ആക്രമിച്ചത്.

പൊലീസ് സംഘത്തിന് നേരെ അക്രമാസക്തനായ പ്രതി മ​ല്‍​പ്പി​ടി​ത്ത​ത്തി​നി​ടെ എ​സ്‌​ഐ രാ​ജീ​വി​ന്‍റെ കൈ​പ്പ​ത്തിക​ടി​ച്ചു പ​രി​ക്കേ​ൽപ്പിച്ചു. ഇത് ത​ട​യാ​ന്‍ ശ്രമിച്ച സി​പി​ഒ ഗി​രീ​ഷ് കു​മാ​റി​ന്‍റെ വ​ല​തു കൈ​പ്പ​ത്തി പി​ടി​ച്ചു തി​രി​ച്ച​തി​നെ തു​ട​ര്‍​ന്ന് ചെ​റു​വി​ര​ലി​ന്‍റെ അ​സ്ഥി​ക്ക്‌ പൊട്ടലുണ്ടായി. സി​പി​ഒ വി​ഷ്‌ണു​വി​നെ ച​വി​ട്ടുകയും ചെയ്‌തു.

തുടർന്ന് പ​ത്ത​നം​തി​ട്ട ഡി​വൈ.​എ​സ്.പി കെ.സ​ജീ​വി​ന്‍റെ നി​ര്‍​ദേ​ശ​ത്തെ ​തു​ട​ര്‍​ന്ന് സ്ഥ​ല​ത്തെ​ത്തി​യ പൊ​ലീ​സ് ഇ​ന്‍​സ്പെ​ക്‌ടറു​ടെ നേതൃത്വത്തിലാണ് പ്രതിയെ പികൂടിയത്. വീ​ട്ടി​ല്‍ ഭാ​ര്യ​യു​മാ​യി നി​ര​ന്ത​രം വ​ഴ​ക്കി​ടുന്ന ഇ​യാ​ള്‍​ക്കെ​തി​രെ ഭാ​ര്യ​യെ​യും മ​ക​ളെ​യും മര്‍ദിച്ചതിന് മ​റ്റൊ​രു കേ​സു​മെ​ടു​ത്തു. ഭാ​ര്യ​യെ മ​ര്‍​ദി​ച്ച്‌ അ​വ​ശ​യാ​ക്കു​ക​യും വെ​ട്ടു​ക​ത്തി​യു​ടെ പി​ടി​കൊ​ണ്ട് ത​ല​ക്ക് പി​ന്നി​ല്‍ ഇ​ടി​ക്കു​യും ചെയ്‌ത പ്ര​തി​യെ മ​ക​ള്‍ ത​ട​ഞ്ഞ​പ്പോ​ള്‍ വെ​ട്ടു​ക​ത്തി​യു​ടെ പി​ടി ഉ​പ​യോ​ഗി​ച്ച്‌ ചു​ണ്ടി​ല്‍ ഇ​ടി​ച്ച്‌ പ​രി​ക്കേൽപി​ക്കു​ക​യും ചെയ്‌തിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്‌തു.