പത്തനംതിട്ട: ഹിന്ദുമത മഹാമണ്ഡലത്തിന്‍റെ ആഭിമുഖ്യത്തിൽ അയിരൂർ ചെറുകോൽപ്പുഴ പമ്പാ മണൽപ്പുറത്ത് സംഘടിപ്പിക്കുന്ന നൂറ്റിയെട്ടാമത് ഹിന്ദു മത പരിഷത്തിന് ഭക്തിനിർഭരമായ ചടങ്ങുകളോടെ തുടക്കമായി. 1008 അമ്മമാർ മുഖ്യ കാർമികത്വം വഹിച്ച ഗണപതി ഹോമത്തോടെയാണ് പരിഷത്ത് ആരംഭിച്ചത്. ഹിന്ദുമത മഹാമണ്ഡലം പ്രസിഡന്‍റ് പി.എസ്. നായർ 108-ാമത് ഹിന്ദു മത പരിഷത്തിന്‍റെ കൊടിയേറ്റ് കർമ്മം നിർവഹിച്ചു. എട്ടു ദിവസം നീണ്ടു നിൽക്കുന്ന ഹിന്ദു മത പരിഷത്ത് ഉദ്ഘാടനം ചെയ്‌തത് മഹാരാഷ്‌ട്ര കോലാപൂർ കനേരി മഠാധിപതി സ്വാമി അദ്യശ്യ കാട് സിദ്ധേശ്വരയായിരുന്നു.
നൂറ്റിയെട്ടാമത് ഹിന്ദു മത പരിഷത്തിന് അയിരൂർ പമ്പാ മണൽപ്പുറത്ത് തുടക്കമായി