പാലക്കാട്:ചെന്നായക്കൂട്ടം ആടുകളെ കടിച്ചുകൊന്നു. മലമ്പുഴ ആനക്കല്ല് എലാക്കിനു സമീപം മുത്തുകുളത്താണ് സംഭവം. പ്രദേശവാസികളായ തങ്കച്ചൻ ഓമന ദമ്പതികളുടെ എട്ട് ആടുകളെയാണ് ചെന്നായക്കൂട്ടം കടിച്ചു കൊന്നത്.
കൂട്ടത്തിലുള്ള ഒരു കുഞ്ഞുമാത്രമാണ് ചെന്നായ്ക്കളുടെ ആക്രമണത്തിൽ നിന്ന് രക്ഷപ്പെട്ടത്. ചത്ത അടുകളുടെ കൂട്ടത്തിൽ പൂർണ ഗർഭിണിയായ ആടും ഉൾപ്പെടുന്നു.