പാലക്കാട്‌: കാളാംകുളത്ത് ഇറങ്ങിയത് പുലിയല്ല കാട്ടുപൂച്ചയെന്ന് വനം വകുപ്പ്. വനം വകുപ്പ് സ്ഥാപിച്ച ക്യാമറയിലാണ് കാട്ടുപൂച്ചയുടെ ദൃശ്യ പതിഞ്ഞത്. പ്രദേശത്തെ ആടുകളെയും മറ്റും ആക്രമിച്ചത് കാട്ടുപൂച്ചയാണെന്നാണ് ഉദ്യോഗസ്ഥരുടെ നിഗമനം.
കഴിഞ്ഞ കുറച്ച് ദിവസങ്ങളായി പുലിഭീതിയിലായിരുന്നു കാളാംകുളം, കണക്കന്‍തുരുത്തി മേഖലയിലുള്ളവര്‍. എങ്കിലും ക്യാമാറകള്‍ മാറ്റി സ്ഥാപിച്ച് നിരീക്ഷണം തുടരുമെന്ന് അധികൃതര്‍ അറിയിച്ചു. ഇതിനിടെ ഞായറാഴ്‌ച രാത്രിയും അജ്ഞാത ജീവിയുടെ ആക്രമണത്തില്‍ ഒരു ആടിന് പരിക്കേറ്റു. ചെറുകുന്നേല്‍ ജനാര്‍ദനന്‍റെ ആടിനാണ് പരിക്കേറ്റത്.