പാലക്കാട്: ആര്എസ്എസ് പ്രവര്‍ത്തകന്‍ സഞ്ജിത്തിനെ കൊലപ്പെടുത്തിയ കേസിലെ പ്രതിയായ അധ്യാപകനെതിരെ സര്‍ക്കാര്‍ നടപടി. ആലത്തൂര്‍ ജിഎംഎല്‍പി സ്‌കൂളിലെ യു ബാവയെ ആണ് പൊതുവിദ്യാഭ്യാസ വകുപ്പ് സസ്‌പെന്‍ഡ് ചെയ്‌തത്. മുൻകാല പ്രാബല്യത്തോടെയാണ് സസ്‌പെൻഷൻ.
കഴിഞ്ഞ നവംബര്‍ 15-നാണ് സഞ്ജിത്തിനെ പോപ്പുലര്‍ ഫ്രണ്ട് പ്രവര്‍ത്തകര്‍ കൊലപ്പെടുത്തിയത്. 17 മുതല്‍ ഇയാള്‍ ഒളിവിലാണ്. വധഗൂഢാലോചന, പ്രതികളെ ഒളിവില്‍ കഴിയാന്‍ സഹായിക്കല്‍ എന്നിവയുള്‍പ്പടെയുള്ള കേസുകളാണ് പൊലീസ് ഇയാള്‍ക്കെതിരെ ചുമത്തിയിരുന്നത്.