ശ്രീനിവാസനെ ആക്രമിച്ചത് മൂന്ന് സ്‌കൂട്ടറുകളിലായെത്തിയ ആറംഗ സംഘം ; സിസിടിവി ദൃശ്യം പുറത്ത്

ശനിയാഴ്‌ച ഉച്ചയ്ക്ക് ഒരുമണിയോടെ ആറംഗ സംഘം ശ്രീനിവാസന്‍റെ സ്ഥാപനത്തിലെത്തി വെട്ടിക്കൊലപ്പെടുത്തുകയായിരുന്നു

പാലക്കാട് : മേലാമുറിയിൽ ശനിയാഴ്‌ച ആർഎസ്എസ് നേതാവ് ശ്രീനിവാസനെ ആക്രമിച്ച് കൊലപ്പെടുത്തിയ സംഘത്തിന്‍റെ സിസിടിവി ദൃശ്യം പുറത്ത്. മൂന്ന് സ്‌കൂട്ടറുകളിലായെത്തിയ ആറംഗ സംഘമാണ് ശ്രീനിവാസനെ ആക്രമിച്ചത്. മേലാമുറിയിൽ എസ്കെഎസ് ഓട്ടോസ് എന്ന പേരിൽ ഓട്ടോ കൺസൾട്ടിങ് സ്ഥാപനം നടത്തുകയായിരുന്നു ശ്രീനിവാസൻ.

ശനിയാഴ്‌ച ഉച്ചയ്ക്ക് ഒരുമണിയോടെ ആറംഗ സംഘം ശ്രീനിവാസന്‍റെ സ്ഥാപനത്തിലെത്തി വെട്ടിക്കൊലപ്പെടുത്തുകയായിരുന്നു. ആക്രമണത്തിനായി ഇവർ എത്തുന്നതും ശേഷം രക്ഷപ്പെടുന്നതും ദൃശ്യങ്ങളിലുണ്ട്. എതിര്‍വശത്തെ കടയിലെ സിസിടിവിയിലാണ് ഇത് പതിഞ്ഞത്.