പാലക്കാട്:പുത്തൂര്‍ പകല്‍വേല കൊടിയിറങ്ങി. വാദ്യഘോഷങ്ങളുടെയും കുടമാറ്റത്തിന്‍റെയും ആവേശ ചൂടിലാണ് ആഘോഷങ്ങള്‍ക്ക് വിരാമമായത്. വെള്ളിയാഴ്‌ചയാണ് പകല്‍വേല ആരംഭിച്ചത്.
കൊവിഡ് മാനദണ്ഡങ്ങള്‍ പാലിച്ചാണ് തിരുപുരായ്ക്കൽ ഭഗവതി ക്ഷേത്രത്തിലെ കൂത്തഭിഷേകം-താലപ്പൊലിവേല ആഘോഷങ്ങള്‍ നടന്നത്. വെള്ളിയാഴ്‌ച പതിവ് പൂജകള്‍ കഴിഞ്ഞ് ഈടുവെടിക്ക് ശേഷമാണ് പകല്‍വേല പുറപ്പെട്ടത്. നഗരത്തിന്‍റെ വിവിധ ഭാഗങ്ങളില്‍ നിന്ന് നിരവധിപേരാണ് വേല കാണാന്‍ എത്തിയത്.