പാലക്കാട്‌: പട്ടാമ്പി ഓങ്ങല്ലൂരില്‍ പട്ടികജാതി വികസന വകുപ്പിന്‍റെ കീഴില്‍ നിര്‍മിച്ച പ്രീ മെട്രിക് ഹോസ്റ്റൽ കെട്ടിടം കാടു കയറി നശിച്ച നിലയില്‍. 1989ല്‍ നിര്‍മിച്ച കെട്ടിടം സംരക്ഷിക്കാന്‍ സര്‍ക്കാരോ തദ്ദേശ സ്ഥാപനങ്ങളോ തയ്യാറാകുന്നില്ലെന്നാണ് ആക്ഷേപം. പട്ടാമ്പിയില്‍ എസ്‌സി- എസ്‌ടി വിദ്യാര്‍ഥികള്‍ക്ക് താമസിച്ച് പഠിക്കുന്നതിന് അന്നത്തെ സര്‍ക്കാര്‍ നിര്‍മിച്ചതാണ് കെട്ടിടം. എന്നാല്‍ 2010 ല്‍ കുട്ടികളാരും ഇല്ലാത്ത അവസ്ഥയില്‍ സ്ഥാപനം അടച്ച് പൂട്ടാന്‍ സര്‍ക്കാര്‍ തീരുമാനിച്ചു. ജീവനക്കാരെ മറ്റ് ഹോസ്റ്റലുകളിലേക്ക് മാറ്റി നിയമിക്കുകയും ചെയ്‌തു. പട്ടികജാതി വികസന വകുപ്പിന് കീഴിലുള്ള ഈ സ്ഥാപനത്തില്‍ പിന്നീട് കമ്മ്യൂണിറ്റി സ്‌കില്‍ പാര്‍ക്ക് തുടങ്ങാനാവുമോയെന്ന് പരിശോധിക്കാന്‍ നിര്‍ദേശമുണ്ടായിരുന്നെങ്കിലും നടപടിയുണ്ടായില്ല.
പട്ടാമ്പി പ്രീ മെട്രിക് ഹോസ്റ്റല്‍ കെട്ടിടം കാട് കയറി നശിച്ച നിലയില്‍