പാലക്കാട് 225 പോസിറ്റീവ് കേസുകൾ

പാലക്കാട് ജില്ലയിലെ സജീവ കേസുകളുടെ എണ്ണം 6384 ആയി

പാലക്കാട്: ജില്ലയിൽ ഇന്ന് 225 പേർക്ക് കൊവിഡ് സ്ഥിരീകരിച്ചു. 429 രോഗികൾ കൂടി കൊവിഡിൽ നിന്ന് സുഖം പ്രാപിച്ചതായി ജില്ലാ മെഡിക്കൽ ഓഫീസർ അറിയിച്ചു. ഇന്ന് രോഗം ബാധിച്ചവരിൽ 133 പേർക്ക് സമ്പർക്കത്തിലൂടെയാണ് രോഗബാധ ഉണ്ടായത്.

ഉറവിടം അറിയാതെ രോഗബാധയുണ്ടായ 82 പേരും ഇതര സംസ്ഥാനത്ത് നിന്നും വിദേശത്ത് നിന്നുമായി വന്ന എട്ട് പേരും പുതിയ പോസിറ്റീവ് കേസുകളിൽ ഉൾപ്പെടുന്നു. രണ്ട് ആരോഗ്യപ്രവർത്തകർക്കും കൊവിഡ് സ്ഥിരീകരിച്ചു. ഇതോടെ പാലക്കാട് ജില്ലയിൽ നിലവിൽ ചികിത്സയിലുള്ളവരുടെ എണ്ണം 6384 ആയി.