പാലക്കാട്: മൺസൂൺ എത്തിയതോടെ അതീവ സുന്ദരിയായിരിക്കുകയാണ് തെക്കേ മലമ്പുഴ. വേനലില്‍ കരിഞ്ഞുണങ്ങിയ മലനിരകളിലും പുല്‍മേടുകളിലും മൺസൂൺ മഴയില്‍ പുതുനാമ്പുകൾ കിളിർത്തതോടെ പച്ചക്കമ്പളം പുതച്ചെ പോലെയാണ് തെക്കേ മലമ്പുഴ. മലനിരകളെ തഴുകി പോകുന്ന കോടമഞ്ഞും വെള്ളച്ചാടവും മേഘങ്ങൾക്കിടയിലൂടെ എത്തി നോക്കുന്ന സൂര്യന്‍റെ ഇളം വെയിലുമൊക്കെ മനസിന് കുളിർമ നല്‍കുന്ന അനുഭൂതിയാണ്. സാധാരണ ഈ സമയത്ത് ഇവിടെ സഞ്ചാരികളുടെ തിരക്കാണ്. എന്നാല്‍ കൊവിഡ് കാരണം തെക്കേ മലമ്പുഴ വിജനമാണ്. ഡാമില്‍ മീൻ പിടിക്കാൻ എത്തുന്ന മത്സ്യത്തൊഴിലാളികൾ മാത്രമാണ് ഇപ്പോൾ ഇവിടെ എത്തുന്നത്.
മനസിന് കുളിരേകും കാഴ്‌ചകളുമായി തെക്കേ മലമ്പുഴ