പാലക്കാട്:കല്‍പാത്തി രഥോത്സവ ചടങ്ങുകള്‍ക്ക് ഭക്തി സാന്ദ്രമായ തുടക്കം. പ്രധാന ക്ഷേത്രമായ കല്‍പാത്തി വിശാലാക്ഷീ സമേത വിശ്വനാഥ ക്ഷേത്രത്തിൽ ഉത്സവത്തിന് ഇന്ന് രാവിലെ കൊടിയേറി. പിന്നാലെ പ‍ഴയ കൽപാത്തി ലക്ഷ്‌മീ നാരായണ പെരുമാൾ ക്ഷേത്രത്തിലും പുതിയ കൽപാത്തി മന്തക്കര മഹാഗണപതി ക്ഷേത്രത്തിലും ചാത്തപുരം പ്രസന്ന മഹാഗണപതി ക്ഷേത്രത്തിലും കൊടിയേറ്റമുണ്ടായി.
കൽപാത്തിക്ക് ഇനി ഉത്സവരാവ്; രഥോത്സവത്തിന് കൊടിയേറി
നവംബര്‍ 12നാണ് അഞ്ചാം തിരുനാൾ ആഘോഷം. അഞ്ചാം തിരുനാള്‍ ദിനത്തില്‍ കല്‍പാത്തി ജങ്ഷനിൽ രാത്രി 11.30ന് ചെറുരഥങ്ങൾ സംഗമിക്കും. തുടര്‍ന്ന് 14, 15, 16 ദിവസങ്ങളിലാണ് രഥോത്സവം.
കല്‍പാത്തി ഉത്സവത്തോട് കൂടി ജില്ലയിലെ അഗ്രഹാര ക്ഷേത്രങ്ങളിൽ ആറുമാസം നീളുന്ന രഥോത്സവങ്ങൾക്ക്‌ തുടക്കമാകും. രഥോത്സവങ്ങള്‍ക്ക് മുമ്പ് നടക്കുന്ന വാസ്‌തു ശാന്തി തിങ്കളാഴ്‌ച നടന്നു. രഥങ്ങളുടെ അറ്റകുറ്റപണികൾ അവസാന ഘട്ടത്തിലാണ്.