പാലക്കാട്: എസ്എസ്എൽസി - ഹയർസെക്കന്‍ററി പരീക്ഷകൾക്ക് ജില്ല തയ്യാറാണെന്ന് മന്ത്രി എ കെ ബാലൻ. വിദ്യാർഥികൾക്ക് വേണ്ട സുരക്ഷാ ക്രമീകരണങ്ങൾ ഏർപ്പെടുത്തി. ജില്ലയിലെ ഹോട്ട് സ്പോട്ടുകളിൽ പരീക്ഷാ കേന്ദ്രം ഉണ്ടാകില്ല. കുട്ടികൾക്ക് നൽകാനായി ഒന്നര ലക്ഷത്തിലധികം മാസ്കുകൾ തയ്യാറാക്കിയിട്ടുണ്ട്. ഇത് പരീക്ഷക്ക് മുൻപ് വിതരണം ചെയ്യും. കുട്ടികൾക്ക് പരീക്ഷയ്ക്ക് എത്താനും തിരിച്ചു മടങ്ങാനുമുള്ള ഗതാഗത സൗകര്യവും ജില്ലാ ഭരണകൂടത്തിന്‍റെ നേതൃത്വത്തിൽ തയ്യാറാക്കും. കെഎസ്ആർടിസിയും സ്വകാര്യ ബസുകളും ഇതിനായി ക്രമീകരിച്ചിട്ടുണ്ട്.
പാലക്കാട് പരീക്ഷാ കേന്ദ്രങ്ങള്‍ സജ്ജമായി