പാലക്കാട് ജില്ലയിൽ 827 ആരോഗ്യ പ്രവർത്തകര്‍ കൂടി കൊവിഡ് വാക്‌സിന്‍ സ്വീകരിച്ചു

വാക്‌സിന്‍ എടുത്ത ആർക്കും ആരോഗ്യ പ്രശ്നങ്ങളോ മറ്റ് ബുദ്ധിമുട്ടുകളോ റിപ്പോർട്ട് ചെയ്തിട്ടില്ല

പാലക്കാട്: ജില്ലയില്‍ ഇന്ന് 827 ആരോഗ്യ പ്രവർത്തകര്‍ കൊവിഡ് വാക്‌സിന്‍ സ്വീകരിച്ചു. ഒന്‍പത് കേന്ദ്രങ്ങളിലായാണ് ഇന്ന് കൊവിഡ് വാക്‌സിന്‍ ഒന്നാം ഡോസ് കുത്തിവെപ്പ് നടന്നത്. രജിസ്റ്റർ ചെയ്തവരിൽ 900 പേർക്കാണ് ഇന്ന് കുത്തിവെപ്പ് നിശ്ചയിച്ചിരുന്നത്. വാക്സിൻ എടുത്ത ആർക്കും ആരോഗ്യ പ്രശ്നങ്ങളോ മറ്റ് അസ്വസ്തതകളോ റിപ്പോർട്ട് ചെയ്തിട്ടില്ല. ഇതോടെ ജില്ലയില്‍ ആദ്യ ഡോസ് വാക്സിൻ സ്വീകരിച്ചവരുടെ ആകെ എണ്ണം 3762 ആയി. നാളെ മുതൽ 14 വാക്സിനേഷൻ കേന്ദ്രങ്ങൾ വഴി ദിനംപ്രതി 1400 പേർക്ക് വാക്സിൻ നൽകും.