കൊവിഡെന്ന് വ്യാജ പ്രചാരണം; പാലക്കാട് ഗൃഹനാഥൻ ഹൃദയാഘാതം മൂലം മരിച്ചു

ഗോവിന്ദപുരം അംബേദ്‌ക്കർ കോളനിക്ക് അടുത്ത് ചായക്കട നടത്തുന്ന അല്ലപിച്ച (55) ആണ് മരിച്ചത്.

പാലക്കാട്: കൊവിഡ് രോഗ ബാധയെന്ന വ്യാജ പ്രചാരണത്തെ തുടർന്ന് ഗൃഹനാഥൻ ഹൃദയാഘാതം മൂലം മരിച്ചു. ഗോവിന്ദപുരം അംബേദ്‌ക്കർ കോളനിക്ക് അടുത്ത് ചായക്കട നടത്തുന്ന അല്ലപിച്ച (55) ആണ് മരിച്ചത്.

അല്ലാപ്പിച്ചക്കും കുടുംബത്തിനും കൊവിഡാണെന്ന് പറഞ്ഞ് നാട്ടുകാർ ഇവരെ ഒറ്റപ്പെടുത്തിയിരുന്നു. ഇതേ തുടർന്ന് ഇവർ കൊല്ലങ്കോട് പൊലീസ് സ്റ്റേഷനില്‍ പരാതിയും നല്‍കി. വ്യാജ പ്രചാരണത്തെ തുടർന്നുണ്ടായ മനോവിഷമത്തിലാണ് ഹൃദയാഘാതം ഉണ്ടായതെന്ന് ബന്ധുക്കൾ ആരോപിച്ചു.