പാലക്കാട്: പൗരത്വ നിയമ ഭേദഗതിക്കെതിരെ വി.കെ. ശ്രീകണ്ഠൻ എംപി നയിച്ച ലോങ്ങ് മാർച്ചിന് പാലക്കാട് സമാപനമായി. ജനുവരി അഞ്ചിന് പട്ടാമ്പിയിൽ നിന്ന് ആരംഭിച്ച മാർച്ച് ആണ് ഇന്ന് പാലക്കാട് സമാപിച്ചത്. സമാപന സമ്മേളനം കെ.മുരളീധരൻ എംപി ഉദ്ഘാടനം ചെയ്തു. വികസനത്തിന്‍റെ സാമ്പത്തിക വളർച്ചയുടെയും പേര് പറഞ്ഞ് ജനങ്ങളെ കയ്യിലെടുക്കാൻ ആവില്ല എന്ന് തിരിച്ചറിഞ്ഞതോടെയാണ് പൗരത്വ നിയമ ഭേദഗതി പോലെയുള്ള ഉള്ള വർഗീയ ധ്രുവീകരണ അജണ്ടകൾ ബിജെപി നടപ്പിലാക്കുന്നതെന്ന് മുരളീധരൻ പറഞ്ഞു. കേന്ദ്ര സർക്കാർ പൊതുമേഖലാ സ്ഥാപനങ്ങൾ വിറ്റ് തുലയ്ക്കുകയാണെന്നും ജനവിരുദ്ധ നടപടികൾ അല്ലാതെ മറ്റൊന്നു സർക്കാരിന്‍റെ ഭാഗത്തുനിന്നും ഉണ്ടാകുന്നില്ല എന്നും അദ്ദേഹം കൂട്ടിച്ചേർത്തു.
കെ.മുരളീധരൻ എംപി ലോങ്ങ് മാർച്ച് ഉദ്ഘാടനം ചെയ്തു