അവശനിലയിൽ കണ്ടെത്തിയ പുലിക്കുട്ടി ചത്തു

കല്ലടിക്കോട് പറക്കലടിയിൽ കണ്ടെത്തിയ എട്ടുമാസം പ്രായമുള്ള പെൺപുലിക്കുട്ടിയാണ്‌ ചത്തത്‌.

പാലക്കാട്: കല്ലടിക്കോട് മലയോര മേഖലയിൽ അവശനിലയിൽ കണ്ടെത്തിയ പുലിക്കുട്ടി ചത്തു. കല്ലടിക്കോട് പറക്കലടിയിൽ കണ്ടെത്തിയ എട്ടുമാസം പ്രായമുള്ള പെൺപുലിക്കുട്ടിയാണ്‌ ചത്തത്‌.

മലയിലേക്കുള്ള വഴിമധ്യേ പറക്കലടി മേഖലയിൽ സ്വകാര്യ വ്യക്തിയുടെ തോട്ടത്തിൽ അവശനിലയിൽ കണ്ട പുലിക്കുട്ടിയെ നാട്ടുകാർ ഫോറസ്റ്റ് റേഞ്ച് ഓഫീസിലെത്തിക്കുകയായിരുന്നു.

പിന്നീട്‌ വനപാലകരുടെ നിരീക്ഷണത്തിലാക്കിയെങ്കിലും ആരോഗ്യം മോശമായ പുലിക്കുട്ടി വൈകാതെ ചത്തു. ദിവസങ്ങളായി ഭക്ഷണം കഴിക്കാത്തതാണ് അവശതയ്‌ക്കും മരണത്തിനും കാരണമെന്ന് അധികൃതർ പറഞ്ഞു.