പട്ടാമ്പിയിൽ മത്സരിക്കാൻ തയ്യാറാണെന്ന് സി.പി. മുഹമ്മദും കെ.എസ്.ബി.എ തങ്ങളും

യു​വ​ജ​ന​ങ്ങ​ൾ​ക്ക് പ്രാ​തി​നി​ധ്യം ന​ൽ​ക​ണ​മെ​ന്നാ​ണ് പാ​ർ​ട്ടി​ന​യം. എ​ന്നാ​ൽ, പാ​ർ​ട്ടി പ​റ​ഞ്ഞാ​ൽ മ​ത്സ​രി​ക്കാ​ൻ ത​യാ​റാ​ണെ​ന്ന് സി.​പി. മു​ഹ​മ്മ​ദ് പ​റ​ഞ്ഞു. എന്നാൽ പ​ട്ടാ​മ്പി​ നി​യോ​ജ​ക​മ​ണ്ഡ​ല​ത്തി​ൽ​നി​ന്നു​ള്ള സ്ഥാ​നാ​ർ​ഥി ത​ന്നെ​യാ​ണു​ണ്ടാ​വു​ക​യെ​ന്നും പാ​ർ​ട്ടി അ​വ​സ​രം ത​ന്നാ​ൽ മ​ത്സ​രി​ക്കു​മെ​ന്നും ത​ങ്ങ​ളും ആ​വ​ർ​ത്തി​ച്ചു.

പാലക്കാട്: കെ.​പി.​സി.​സി വൈ​സ് പ്ര​സി​ഡ​ൻ്റ് സി.​പി.മു​ഹ​മ്മ​ദും പാലക്കാട് ഡി.​സി.​സി വൈ​സ് പ്രസിഡന്‍റ് കെ.​എ​സ്.​ബി.​എ.ത​ങ്ങളും പട്ടാമ്പി നിയോജകമണ്ഡലം സീറ്റിനെച്ചൊല്ലി പ​ര​സ്യ​ പ്ര​തി​ക​ര​ണ​വു​മാ​യി രം​ഗ​ത്ത്. 15 വ​ർ​ഷം മ​ണ്ഡ​ല​ത്തെ പ്ര​തി​നി​ധാ​നം​ ചെ​യ്​​ത സി.​പി. മു​ഹ​മ്മ​ദാ​ണ് മ​ത്സ​രി​ക്കാ​നു​ള്ള താ​ൽ​പ​ര്യം ആ​ദ്യം പ്ര​ക​ടി​പ്പി​ച്ച​ത്. യു​വ​ജ​ന​ങ്ങ​ൾ​ക്ക് പ്രാ​തി​നി​ധ്യം ന​ൽ​ക​ണ​മെ​ന്നാ​ണ് പാ​ർ​ട്ടി​ന​യം. എ​ന്നാ​ൽ, പാ​ർ​ട്ടി പ​റ​ഞ്ഞാ​ൽ മ​ത്സ​രി​ക്കാ​ൻ ത​യാ​റാ​ണെ​ന്ന് സി.​പി. മു​ഹ​മ്മ​ദ് പ​റ​ഞ്ഞു. താ​ൻ സീ​റ്റ്​ ചോ​ദി​ച്ച് ആ​രു​ടെ​യും പുറ​കെ പോ​യി​ട്ടി​ല്ല. പാ​ർ​ട്ടി ത​ന്നെ മ​ത്സ​രി​ക്കാ​ൻ ചു​മ​ത​ല​പ്പെ​ടു​ത്തു​ക​യാ​യി​രു​ന്നെന്നും അദ്ദഹം പറഞ്ഞു.

വൈ​കാ​തെ കെ.​എ​സ്.​ബി.​എ. ത​ങ്ങ​ളും പ്ര​തി​ക​ര​ണ​വു​മാ​യെ​ത്തി. പ​ട്ടാ​മ്പി​ നി​യോ​ജ​ക​മ​ണ്ഡ​ല​ത്തി​ൽ​നി​ന്നു​ള്ള സ്ഥാ​നാ​ർ​ഥി ത​ന്നെ​യാ​ണു​ണ്ടാ​വു​ക​യെ​ന്നും പാ​ർ​ട്ടി അ​വ​സ​രം ത​ന്നാ​ൽ മ​ത്സ​രി​ക്കു​മെ​ന്നും ത​ങ്ങ​ളും ആ​വ​ർ​ത്തി​ച്ചു. ലീ​ഗി​ല്ലാ​തെ കോ​ൺ​ഗ്ര​സി​നും കോ​ൺ​ഗ്ര​സി​ല്ലാ​തെ ലീ​ഗി​നും വി​ജ​യി​ക്കാ​ൻ ക​ഴി​യി​ല്ലെന്നും തങ്ങൾ കൂട്ടിച്ചേർത്തു. പ​ട്ടാ​മ്പി സീ​റ്റ് മു​ൻ​കാ​ല​ങ്ങ​ളി​ലും ലീ​ഗ് ആ​വ​ശ്യ​പ്പെ​ട്ടി​ട്ടു​ണ്ട്. അ​വ​ർ​ക്ക​തി​ന് അർ​ഹ​ത​യു​മു​ണ്ട്. എ​ന്നാ​ൽ, പ​ട്ടാ​മ്പി​യി​ൽ കോ​ൺ​ഗ്ര​സ്​ സ്ഥാ​നാ​ർ​ഥി​ ത​ന്നെ​യാ​ണ് മ​ത്സ​രി​ക്കു​ക. യു.​ഡി.​എ​ഫ് ഒ​റ്റ​ക്കെ​ട്ടാ​യി തെ​ര​ഞ്ഞെ​ടു​പ്പി​നെ നേ​രി​ടു​മെ​ന്നും പ​ഴ​യ പ്ര​താ​പ​ത്തി​ലേ​ക്ക് മു​ന്ന​ണി തി​രി​ച്ചെ​ത്തു​മെ​ന്നും ത​ങ്ങ​ൾ ആ​ത്മ​വി​ശ്വാ​സം പ്ര​ക​ടി​പ്പി​ച്ചു.

പ​ട്ടാ​മ്പി​യി​ൽ മ​ത്സ​രി​ക്കാ​ൻ നേ​ര​ത്തെ​യും ത​ങ്ങ​ൾ ആ​ഗ്ര​ഹം പ്ര​ക​ടി​പ്പി​ച്ചി​ട്ടു​ണ്ട്. 2010ൽ ​സി.​പി. മു​ഹ​മ്മ​ദി​ൻ്റെ മൂ​ന്നാം ഊഴത്തെ ചോ​ദ്യം ചെ​യ്‌​ത് കോ​ൺ​ഗ്ര​സി​ന​ക​ത്ത് ക​ല​ഹ​ങ്ങ​ളു​ണ്ടാ​ക്കി​യി​രു​ന്നു. നി​ല​വി​ലു​ള്ള എം.​എ​ൽ.​എ​മാ​ർ​ക്ക് വീ​ണ്ടും അ​വ​സ​രം ന​ൽ​കാ​നു​ള്ള കെ.​പി.​സി.​സി തീ​രു​മാ​ന​മാ​ണ് അ​ന്ന് സി.​പി. മു​ഹ​മ്മ​ദി​നെ തു​ണ​ച്ച​ത്. എ​ന്നാ​ൽ, ഇ​തി​നെ​തി​രെ കോ​ൺ​ഗ്ര​സി​ലെ ഒ​രു​വി​ഭാ​ഗം പ്ര​ക​ട​ന​വും ക​ൺ​വെ​ൻ​ഷ​നും ന​ട​ത്തി പ്ര​തി​ഷേ​ധി​ച്ചി​രു​ന്നു. ര​ണ്ടു കോ​ൺ​ഗ്ര​സ്​ പ്രാ​ദേ​ശി​ക​നേ​താ​ക്ക​ൾ അ​ച്ച​ട​ക്ക​ന​ട​പ​ടി​യും നേ​രി​ട്ടു. ഒ​റ്റ​പ്പാ​ലം നി​യോ​ജ​ക​മ​ണ്ഡ​ല​ത്തി​ൻ്റെ തെ​ര​ഞ്ഞെ​ടു​പ്പ് ചു​മ​ത​ല നി​ർ​വ​ഹി​ച്ച ത​ങ്ങ​ൾ തെ​ര​ഞ്ഞെ​ടു​പ്പി​ന് ശേ​ഷ​മാ​ണ് ന​ട​പ​ടി​ക്ക് വി​ധേ​യ​നാ​യ​ത്.

ത​ദ്ദേ​ശ തെ​ര​ഞ്ഞെ​ടു​പ്പി​ലെ മേ​ൽ​ക്കൈ ക​ണ​ക്കു​ക​ൾ വ്യ​ക്ത​മാ​ക്കി​യാ​ണ് ക​ഴി​ഞ്ഞ​ ദി​വ​സം യൂ​ത്ത് ലീ​ഗ് പ​ട്ടാ​മ്പി സീ​റ്റി​നാ​യു​ള്ള അ​വ​കാ​ശ​വാ​ദം ഉ​ന്ന​യി​ച്ച​ത്. നി​യോ​ജ​ക​മ​ണ്ഡ​ല​ത്തി​ൽ കോ​ൺ​ഗ്ര​സി​നെ​ക്കാ​ൾ മു​ന്നി​ൽ ലീ​ഗാ​ണെ​ന്ന് വി​വി​ധ പ​ഞ്ച​യ​ത്തു​ക​ളി​ലെ വോ​ട്ടു​ക​ൾ നി​ര​ത്തി നേ​താ​ക്ക​ൾ സ്ഥാ​പി​ക്കു​ക​യും ചെയ്‌തിരുന്നു.