പാലക്കാട്: രാജ്യത്ത് ഉന്നത അധികാരങ്ങളിലിരിക്കുന്നവർ ശാസ്ത്രത്തിന്‍റെ വളർച്ചയ്ക്ക് തടസം നിൽക്കാൻ ശ്രമിക്കുന്നുവെന്ന് മുഖ്യമന്ത്രി പിണറായി വിജയൻ. ശാസ്ത്ര കോൺഗ്രസുകൾ അടക്കം അന്ധവിശ്വാസം പ്രചരിപ്പിക്കാൻ ഉപയോഗിക്കുകയാണ്. നവോഥാന കാലഘട്ടം മുതലേ ശാസ്ത്രാഭിമുഖ്യം ശക്തിപ്പെടുത്താൻ ശ്രമങ്ങൾ ഉണ്ടായിട്ടുണ്ടെന്നും കേരളത്തിന്‍റെ ചരിത്രം പരിശോധിച്ചാല്‍ ഇത് കാണാൻ സാധിക്കുമെന്നും അദ്ദേഹം പറഞ്ഞു.32ാം കേരള ശാസ്ത്ര കോൺഗ്രസ് പാലക്കാട് ഉദ്ഘാടനം ചെയ്യുകയായിരുന്നു അദ്ദേഹം. പാലക്കാട് മുണ്ടൂർ യുവക്ഷേത്ര കോളജിലാണ് ശാസ്ത്ര കോൺഗ്രസ് നടക്കുന്നത്. പരിപാടിയുടെ ഭാഗമായി സംസ്ഥാന ശാസ്ത്ര സാങ്കേതിക കൗൺസിലിന്‍റെ യുവശാസ്ത്ര അവാർഡുകൾ, ഡോ എസ് വാസുദേവ് അവാർഡ് എന്നിവ മുഖ്യമന്ത്രി വിതരണം ചെയ്‌തു.
ശാസ്ത്ര വളര്‍ച്ചക്ക് തടസം നില്‍ക്കാന്‍ ശ്രമിക്കുന്നത് ഉന്നത സ്ഥാനങ്ങളിലിരിക്കുന്നവർ: മുഖ്യമന്ത്രി