വാളയാറിൽ മാരക മയക്കുമരുന്നുമായി കർണാടക സ്വദേശി പിടിയിൽ

നിയമസഭ തിരഞ്ഞെടുപ്പുമായി ബന്ധപ്പെട്ട് പാലക്കാട്‌ എക്‌സൈസ് വകുപ്പ് നടത്തിയ പരിശോധനയിലാണ് മയക്കു മരുന്ന് കണ്ടെത്തിയത്.

പാലക്കാട്: ‌വാളയാറിൽ മാരക മയക്കുമരുന്നുമായി കർണാടക സ്വദേശിയായ യുവാവ് പിടിയിൽ. മാരക മയക്കുമരുന്നായ മെത്താഫിറ്റാമിൻ ( എംഡിഎംഎ) ആണ് യുവാവിൽ നിന്നും കണ്ടെത്തിയത്. കർണാട കുടഗ് സ്വദേശി ഇസ്മായിൽ (31) ആണ് പിടിയിലായത്.

നിയമസഭ തെരഞ്ഞെടുപ്പുമായി ബന്ധപ്പെട്ട് പാലക്കാട്‌ എക്‌സൈസ് വകുപ്പ് നടത്തുന്ന പ്രത്യേക പരിശോധനയുടെ ഭാഗമായി എഇസി സ്‌ക്വാഡും പാലക്കാട് എക്‌സൈസ് റേഞ്ച് ഓഫീസ് ടീമും സംയുക്തമായി കോയമ്പത്തൂർ - പാലക്കാട്‌ ഹൈവേയിൽ നടത്തിയ വാഹന പരിശോധനയിലാണ് പ്രതി അറസ്റ്റിലായത്.

ബെംഗളൂവിൽ നിന്നും എറണാകുളത്തിലേക്ക് പോകുകയായിരുന്ന ബസിൽ കടത്തിയപ്പോഴാണ് മയക്കുമരുന്നാണ് പിടികൂടിയത്. എറണാകുളത്തിലെ നിശാപാർട്ടികളിലും, ഡിജെ പാർട്ടികളിലും മറ്റും വിതരണം നടത്താനാണ് മയക്കുമരുന്ന് കടത്തിയതെന്ന് പ്രതി സമ്മതിച്ചതായി പൊലീസ് പറഞ്ഞു.