പാലക്കാട്: കഞ്ചിക്കോട്‌ കൊയ്യാമരക്കാട്‌, പാറ പിരിവ്‌, നരകംപുള്ളി പ്രദേശങ്ങളിൽ കോരയാർ പുഴയിൽ മീനുകൾ കൂട്ടത്തോടെ ചത്തു പൊങ്ങി. ചെറുമത്സ്യങ്ങളാണ്‌ കൂടുതലും ചത്തത്‌. ഇവിടെ വെള്ളത്തിന്‌ നിറവ്യത്യാസവും രൂക്ഷഗന്ധവും അനുഭവപ്പെടുന്നുണ്ട്‌.
പുഴയിൽ കുളിച്ചവർക്ക്‌ ചൊറിച്ചിൽ അനുഭവപ്പെട്ടു. കമ്പനികളിൽ നിന്ന് വെള്ളത്തിൽ രാസമാലിന്യം കലർന്നിട്ടാകാം മീനുകൾ ചാകാൻ കാരണമെന്ന്‌ നാട്ടുകാർ പറയുന്നു. മലിനീകരണ നിയന്ത്രണ ബോർഡ്‌ ഉദ്യോഗസ്ഥരെത്തി സ്ഥലം പരിശോധിച്ചു.