പാലക്കാട് : വാളയാർ മാൻപാർക്കിന് സമീപം പതിനാലാംകല്ലിലെ വ്യവസായ ശാലയിൽ തീപിടിത്തം. ജയന്തി ഗ്രൂപ്പ് ഓഫ് ഇന്ത്യൻ പ്രോഡക്‌ട് പ്രൈവറ്റ് ലിമിറ്റഡിന്‍റെ കെട്ടിടത്തിൽ ഇന്നലെ രാവിലെ പത്തോടെയാണ്‌ തീപിടിത്തമുണ്ടായത്‌. പ്രവർത്തിച്ചുകൊണ്ടിരുന്ന തെർമിക് ഫ്ലൂയിഡ് വാൽവ് ലീക്കായതാണ്‌ തീപിടിത്തത്തിന്‍റെ കാരണം.
തീപിടിത്തത്തിൽ ആളപായമില്ല.അപകടത്തിന്‍റെ നാശനഷ്‌ടം കണക്കാക്കിയിട്ടില്ല. കഞ്ചിക്കോട് നിന്നും പാലക്കാട് നിന്നും രണ്ട് യൂണിറ്റ് വീതം അഗ്നിരക്ഷാസേന വ്യവസായശാലയിലെത്തി ഫോം കോമ്പൗണ്ട് ഉപയോഗിച്ച് തീയണച്ചു. അതിസാഹസികമായി വാൽവ് അടച്ച് അപകടാവസ്ഥ ഒഴിവാക്കി.