പാലക്കാട്: അതിമാരക മയക്കുമരുന്നായ എം ഡി എം എയുമായി തൃത്താലയില്‍ യുവാവ് എക്സൈസിന്‍റെ പിടിയില്‍. കൂറ്റനാട് തെക്കിനിയത്ത് ഷോണ്‍ വര്‍ഗീസ്(22) ആണ് പിടിയിലായത്. 1.68 ഗ്രാം എം ഡി എം എയാണ് ഇയാളില്‍ നിന്ന് കണ്ടെടുത്തത്.
തൃത്താല എക്സൈസ് റേഞ്ച് ഇന്‍സ്പെക്ടര്‍ എന്‍ നൗഫലിന് ലഭിച്ച രഹസ്യ വിവരത്തിന്‍റെ അടിസ്ഥാനത്തില്‍ സംഘം നടത്തിയ മിന്നല്‍ പരിശോധനയിലാണ് പ്രതി പിടിയിലായത്. പട്ടാമ്പി ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്‍റ് ചെയ്തു. മേഖലയില്‍ മയക്ക് മരുന്ന് ഉപയോഗം വര്‍ധിച്ചിട്ടുണ്ടെന്നും അന്വേഷണം തുടരുമെന്നും എക്സൈസ് ഇന്‍സ്പെക്ടര്‍ പറഞ്ഞു.