കാണാതായ ആദിവാസി പെണ്‍കുട്ടിയുടെ മൃതദേഹം പൊട്ടകിണറ്റില്‍

തോട്ടത്തിൽ ആടിന് പുല്ല് ചെത്താനെത്തിവരാണ് പെണ്‍കുട്ടിയുടെ മൃതദേഹം ആദ്യം കണ്ടത്.

പാലക്കാട്‌: കാണാതായ ആദിവാസി പെൺകുട്ടിയുടെ മൃതദേഹം പൊട്ടക്കിണറ്റിൽ നിന്നും കണ്ടെത്തി. അട്ടപ്പാടി കള്ളക്കര ഊരിലെ മരുതൻ - മരുതി ദമ്പതികളുടെ ഏകമകൾ എം.ധനുഷയെ (15) ഫെബ്രുവരി മൂന്നിന് രാത്രി മുതലാണ് കാണാതാകുന്നത്. കോയമ്പത്തൂർ സ്വദേശിയുടെ കൃഷിയിടത്തിലെ പൊട്ടക്കിണറ്റിലാണ് കുട്ടിയുടെ ജഡം കണ്ടെത്തിയത്. തോട്ടത്തിൽ ആടിന് പുല്ല് ചെത്താനെത്തിവരാണ് മൃതദേഹം ആദ്യം കണ്ടത്.

കുട്ടിക്ക് അപസ്‌മാര രോഗമുണ്ടായിരുന്നതായി ആരോഗ്യ പ്രവര്‍ത്തകര്‍ പറഞ്ഞു. സംവഭത്തില്‍ അസ്വാഭാവിക മരണത്തിന് കേസെടുത്ത് ഷോളയൂർ പൊലീസ് അന്വേഷണം ആരംഭിച്ചു.